Wanpla papa graon itok tupla gavman i sapotim tumas ol foran logging kampani em oli wok aninit long SABL

Source: ABC Radio Australia

Logging long Papua New Guinea (Credit: Audience Submitted) 

Papua New Guinea gavman na East New Britain provincial gavman isave halvim tumas ol logging kampani na ino care tumas long ol liklik pipal.



Nobert Pames, wanpla papa graon blong Pomio distrik long East New Britain provins i mekim despla toktok bihaen long oli bin askim kot long stopim pastem ol wok logging long ples blong ol long mun October.



Bikpla logging kampani blong Malaysia, Rimbunan Hijau na liklik kampani blong en Guilford iwok long katim ol diwai long Pomio, maski ol pipal ino laikim despla kaen wok.



Ol despla kampani ibin kisim tok oraet long gavman long iusim ol graon blong ol pipal aninit long tok oraet em oli kolim "special agriculture business leases oa SABL blong planim Oil Palm.



Kot ibin stopim kampani long katim diwai tasol oli no bin harim tok.