Blog

PNG NGO i tok ripot blong SABL i kisim longpla taem

On 05 Feb, 2014 By rait man

By John Papik on Radio Australia

Wanpela Papua New Guinea NGO, ACT NOW! i sapotim ripot blong SABL olsem gavman imas hariap nau na rausim planti korap tok oraet oa agriman em oli bin givim igo long ol bisnis man long lisim graon blong ol igo long ol foran kampani.

PNG NGO ACT NOW! i askim gavaman long hariap long bihainim ol toktok ol i raitim kamap insait long SABL ripot (Credit: ABC) 

Aste mipela ibin harim olsem Chief Commissioner John Numapo itok gavman imas hariap nau na rausim planti korap tok oraet oa agriman em oli bin givim igo long ol bisnis man long leasim graon graun blong ol igo long ol foran kampani.

Mr Numapo na tupla narapla Commissioner ibin painim olsem planti bisnis laen ibin kisim 99 yia leases, tasol planti papa na mama graon ino bin givim tok oraet blong ol.

Effrey Dademo program manager wantaim NGO grup ACT NOW! i tok laen blongen, ACT NOW! i sapotim toktok blong Mr Numapo long wei wea Gavman igo pas long ino hariap long ol toktok ol i mekim insait long wok painim aut.

"Em i 6 mun nao na Gavaman ino mekim wanpla samting."

"Mipla askim Gavaman nao long kisim ol pipol igo kot, em ol i neimim ol oa mekim wanpla samting i stap insait long ripot," em ibin tok.