Papua New Guinea Eco-Forestry Forum itok out olsem dispela SABL idea blong Gavaman long lisim graun i mekim planti papa graun long olgeta hap blong kantri i lusim graun blong ol pinis.  

Photo: Ol land owner long PNG ibin protes agensim SABL (Credit: ABC) 

Bosman blong PNG Eco Forestry Forum Thomas Paka i tokout olsem graun mak blong 5.2 million hecta i go pinins long han blong ol forena. 

Em i tok SABL em wanpla gutpla as tingting blong gavaman long halvim ol papa graun long ples long patna wantaim ol ovasi bisnis na kirapim ples.

Tasol Mr Paka i tok, rot ol i bihainim long kisim ol dispela graun em i no stret na em i tok strong long Gavaman i mas givim graun bilong ol pipol i go bek. 

Em itok ol pipol long peles i nidim graun blong ol long ol i laif longen na ol yet iken wokim bisnis long laik blong ol.