Picture: Logging i bagarapim wara long Inaina Wildlife management Area long Kairuku Hiri District long Central province (PWM Photo)
Source: ABC Radio Australia
Direkta blong dispela NGO grup Partners With Melanesians, Ken Mondiai i sutim strongpela toktok long PNG gavman na ol agensi blongen i nating putim strongpela tingting long konsevesen wok long kantri.
Mr Mondiai i tok PNG ibin sainim nating ol internasenal treaty long sait long biodiversity consevesen tasol em i no bihainim ol gut.
Em i autim dispela toktok bihain long Radio Australia i askim em long lukluk blong en long sait long konsevesen wok long Papua New Guinea.
Wanpela bikpela wari em i bin autim nau em i dispela SABL oa Special Agriculture Business Leases we gavman i kirapim blong ol foran investa i go wokim bisnis long graun blong ol aspeles long kantri.
Blong long yumi i save gut long hau big nau dispela hap graun blong Papua New Uinea we i ol pipol blong PNG i bai lusim for 99 years aninit long dispela SABL or Special Agriculture Business Leases.
Dispela 5.2 million hectare or 52 thousand quare kilometre we i go aninit long SABL long PNG, i moa long olgeta hap graun blong Fiji na Solomon Islands put together.
Maski wanwan land area blong Solomon Islands na Fiji i naba two na three long Pacific, graun blong tupela wantaim ino kamap long mak blong graun wea ol traditional landowner long PNG i givim go long ol foran investa aninit long SABL.
So yumi ken tok olsem em i traepela hap graun tru.
Mr Mondiai na ol NGO na ol man save long sait long environment na conservation i wok long wari tru long sait long ol senis we i gohet nau ia long pleles blong yumi.
Olgeta dei na olgeta taim ol i lukluk long ol ailan blong yumi long ol bus, solwara, ol riva na air, ol i save wari tumas long future blong ol pipol blong yumi.
Ol i lukim bikpela heve bai kamap long future sapos gavman na yumi olgeta ino wokim wanpela samting nau ia long balansim sait long development na conservation.
Long dispela nau Mr Mondiai i tok ol NGO i wok long singautim PNG gavman long makim sampela hap bus long PNG olsem conservation eria.
- Elizabeth1's blog
- Log in to post comments
