Source: Caroline Tiriman, Radio Australia

Heve ol papa graun long Papua New Guinea i wok long stap insait aninit long ol Special Agriculture Business Leases blong gavman oa SABL, ol i autim gen long wol iken harim.

Odio: Kenn Mondiai,direkta blong Partners with Melanesians NGO i toktok

Praim Miknista blong Papua New Guinea imas bihaenim nau bikpla tok promis blong en na rausim loa emi karamapim special agrikalsa bisnis leases na noken maus wara nating.

Kenn Mondiai, direkta blong Partners with Melanesians emi save wok blong helpim ol asples pipal long lukautim ol graon blong ol i mekim despla toktok long bikpla miting blong "World Parks Congress" emi ibin pinis long despla wik  long Sydney.

Mr Mondiai itok, long stat blong despla yia Praim Minista Peter O'Neill ibin tokaut olsem bai oli rausim despla SABL long wonem emi kamapim planti heve tumas long ol PNG pipal, tasol ikam inap nau nogat wanpla samting i kamap iet.