Blog

PNG SABL wok i kamapim wari iet

Photo: Tamara Kruzang Mandengat Communiti Campaigner blong Act Now PNG (Credit: ABC)

Caroline Tiriman | ABC Radio Australia

Igat olsem Gavman imas lukluk gut ken long despla Special Agrikalsa Bisnis Lisas

Odio: Tamara Kruzang Mandengat Communiti Campaigner blong ACT NOW! PNG itoktok wantem Caroline Tiriman

Ol pipal blong Papua New Guinea iwok long wari tru iiet long despla wok blong Special agrikalsa bisnis leases na gavman imas harim wari blong ol na stopim despla kaen wok.

Despla em toktok blong wanpla yangpla meri, Tamara Mandengat husat iwok olsem Community Campaign ofisa wantem, ACT NOW! PNG na emi bin autim despla toktok long  Pacific Youth Forum Against Corruption miting emi bin pinis long Fiji long despla wik.

Emi tok despla wari blong land grabbing oa pasin blong kisim nating graon aninit long korap pasin iwok long kamap bikpla long ol Melanesian kantri olsem, PNG, Solomon Islands na Vanuatu.

Ms Mandengat itok tu olsem, planti pipal long PNG i lusim graon blong ol pinis aninit long despla Special agrikalsa bisnis leases, tasol gavman ino mekim wanpla gutpla samting long helpim ol.