Source: ABC Radio Australia

Wok blong turisam inap bringim planti moa moni long strongim ikonomi blong Papua New Guinea winim ol wok mining, oil na gas.

Despla em toktok blong Executive direkta blong Institute of National Affairs long Port Moresby Paul Barker.

Mr Barker itok PNG igat ol strongpla kalsa, na tu emi gat planti kaen kaen samting olsem ol mauden, ol rain forests, ol pisin na ailan em oli  ken pulim ol turis ikam long ol narapla kantri.

Emi tok ol wok blong gold, copper, tin mining, Oil na Gas igat mak blong oli pinis, tasol wok blong turisam na agrikalsa bai go hed moa iet, olsem na gavman imas strongim ol despla wok oa sekta.

Tasol emi tok tu olsem tupla samting em oli kamapim heve liklik long despla wok em prais blong iusim balus i antap tumas na tu wari blong loa na oda.