Moni istap long graon long PNG: Bisnismeri itok

Frangipani and Galip Nut-PNG (Photo:Dorothy Luana)

Source: Caroline Tiriman, ABC Radio

Wanpla farmer na bisnismeri long Papua New Guinea itok, moni istap long graon na ol pipal imas iusim graon blong ol long mekim moni.

Dorothy Luana husat i gat wanpla Galip farm long Kokopo District long East New Britain provins i mekim despla toktok bihaen long emi wok long mekim gutpla bisnis wantem galip long Port Moresby.

Mrs Luana itok emi save sore long lukim olsem planti pipal igat graon, tasol oli no save iusim ol despla graon long planim ol samting we oli ken lukim moni long en.

Ol Galip tree isave grow long tripla kantri blong Melanesia, olsem Papua New Guinea, Solomon Islands na Vanuatu.

Long mun igo pinsis National Agrikalsa Research Institute long Kerevat long East New Britain ibin lonchim ol nambawan Galip product blong ol na oli salim nau long ol stua.

Mrs Luana itokim Radio Australia olsem emi bin kisim ol Galip seedlings blong en long Institute planti yia igo pinis na nau emi lukim moni long en.